Bakıda oğurluq hadisəsi törədən şəxs saxlanılıb. Bu haqda BakuPlus.az Daxili İşlər Nazirliyinə istinadən bu gün, 6 iyul tarixində xəbər verir.
İyulun 4-də Nizami rayonunda Bakı şəhər sakini Ə.Məmmədovanın mobil telefonunu oğurlamaqda şübhəli bilinən Tərtər rayon sakini, əvvəllər məhkum olunmuş F.Səfərov saxlanılıb.
Şəxsi axtarış zamanı onda heroin aşkar edilib.
Polis əməkdaşları tərəfindən onun Bakı şəhər sakini F.Hətəmovanın mobil telefonunu oğurladığı da müəyyən olunub.
Araşdırma aparılır.
