Bakıda qeydə alınan yol-nəqliyyat hadisələri nəticəsində xəsarət alanlar var. Bu haqda APA xəbər verib.
Paytaxtın Heydər Əliyev prospekti-Bilgəh avtomobil yolunda hər iki isiqamətdə baş vermiş qəza sıxlığa səbəb olub. Yolun Qala döngəsi adlanan hissəsində zəncirvari yol-nəqliyyat hadisəsi qeydə alınıb.
Gecə saatlarında paytaxtın Sabunçu rayonunda da yol qəzası baş verib.
3 nəfərin xəsarət aldığı qəzada “Vaz-21015” eyni istiqamətdə gedən “Kia” markalı maşına çırpılıb. Qəza nəticəsində hər iki sürücü və “Vaz-21015”-də olan sərnişin xəsarət alıblar.
Yaralılar xəstəxanaya yerləşdiriliblər.
Faktlarla bağlı araşdırmalar davam edir.
