Bakının Binəqədi rayonunda 3 avtomobildən oğurluq edilib. Bu haqda bu gün, 11 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, rayon ərazisində müxtəlif vaxtlarda 3 avtomobildən 2000 manat dəyərində ehtiyat hissələri və mobil telefon oğurlanıb.
Qaradağ RPİ 11-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində əməli törətməkdə şübhəli bilinən paytaxt sakini Elşən Günəşov və Şirvan şəhər sakini Daşqın Mütəllimov müəyyən olunaraq saxlanılıblar. Araşdırma davam edir.
