Qaradağ rayonu İcra Hakimiyyətinin vəzifəli şəxsi saxlanılıb. Bu haqda bu gün, 16 may tarixində Bakuplus.az Baş Prokurorluğa istinadən xəbər verir.
Baş prokuror yanında Korrupsiyaya qarşı Mübarizə Baş İdarəsinin keçirdiyi əməliyyat nəticəsində Qaradağ Rayon İcra Hakimiyyəti Başçısının Lökbatan ərazi dairəsi üzrə nümayəndəliyinin əməkdaşı Bəxtiyar Həsənov saxlanılıb. O, rüşvət almaqda ittiham olunub.
Belə ki, Bəxtiyar Həsənov Lökbatan qəsəbəsində yerləşən torpaq sahələrində fərdi yaşayış evinin tikilməsinə icazə verilməsinə köməklik göstərilməsi üçün ayrı-ayrı vətəndaşlardan müxtəlif məbləğlərdə pul almaqda şübhəli bilinir.
Həmin şəxs barəsində cinayət işi başlanılıb. Onun barəsində ev dustaqlığı qətimkan tədbiri seçilib. Araşdırmalar davam edir.
