Qaradağ rayonunda qonşular arasında dava düşüb. Bu haqda 24 sentyabr tarixində APA məlumat verib.
Qobustan qəsəbəsində yaşayan 32 yaşlı Elsəvər Babayev və qonşusu, 43 yaşlı Ramil Əşrəfov arasında avtomobili park etmək üstündə dava düşüb.
Dava zamanı Əşrəfov bıçaqla Babayevə xəsarət yetirib. Babayev isə onun əlində olan bıçağı alaraq Əşrəfova bir neçə zərbə endirib. Hər iki yaralı xəstəxanaya yerləşdirilib. Həkimlərin verdiyi məlumata görə, Əşrəfovun vəziyyəti nisbətən ağırdır.
Faktla bağlı araşdırma aparılır.
