Bakı–Sumqayıt xətti ilə hərəkət edən sürət qatarını daşlayanlar müəyyən ediliblər. Bu haqda bu gün, 2 may tarixində Bakuplus.az Daxili İşlər Nazirliyinə (DİN) istinadən xəbər verir.
Bakı–Sumqayıt qatarı Xırdalan dəmir yolu stansiyasının ərazisindən keçən zaman naməlum şəxslər qatarın yoluna daşlar düzüblər və qatarın sağ yan şüşəsinə daş atıblar. Nəticədə şüşə qırılıb. Bu da qatarın hərəkətində gecikməyə və sərnişinlərin narahatlığına səbəb olub.
Araşdırma zamanı əməli törədən 3 azyaşlı müəyyən edilib və onlar valideynləri ilə birlikdə polis şöbəsində gətiriliblər. Onlarla söhbətlər aparılıb.
Faktla bağlı araşdırmalar davam edir.
