Baku TV-dən verilən məlumata görə, itlərin hücumuna məruz qalan uşaq 3 saylı Zəngilan məktəbinin 4-cü sinif şagirdidir. Hadisə o, dostları ilə həyətdə oynayan zaman baş verib.
"Yalvardı ki, düşüb bir az oynasın uşaqlarla. Özüm də nəzarət edirdim eyvandan. Sonra necə oldusa, bir az aralaşdı məhəllədən. 3 it hücum edibmiş", – deyə uşağın anası bildirib.
11:35 - Qobuda it dişləyən uşaq haqda məlumat verilib – VİDEO
TƏBİB-dən verilən məlumata əsasən, hadisə “Qobu Park-3” yaşayış kompleksinin yaxınlığında baş verib. 9 yaşlı oğlan uşağına it hücum edib. O, müxtəlif ölçülü dişlənmiş, cırılmış, əzilmiş və soyulmuş yaralarla xəstəxanaya yerləşdirilib. Vəziyyəti ağırdır.
10:45 - Qobuda it uşağı parçalayıb – VİDEO
Abşeron rayonunun Qobu qəsəbəsində it uşağı parçalayıb. Bu haqda bu gün, 4 mart tarixində Bakuplus.az sosial şəbəkələrə istinadən xəbər verir.
Bildirilir ki, azyaşlı uşağın üstünə it hücum edərək onu parçalayıb. Hadisə yerinə Təcili Tibbi Yardım briqadası cəlb olunub.
Videogörüntüləri təqdim edirik:
[video width="288" height="640" mp4="https://bakuplus.az/storage/photos/2024/03/whatsapp-video-2024-03-03-at-22.39.34_105f6880.mp4"][/video]