Qaradağ rayonunun Qobustan qəsəbəsində baş verən dəhşətli qətl hadisəsinin təfərrüatı məlum olub.
Belə ki, 2000-ci il təvəllüdlü Əliəkbər Səmədli oktyabrın 27-də saat 22 radələrində Qaradağ rayonu Ələt qəsəbəsi ərazisində 1992-ci il təvəllüdlü Rüfət Rüstəmovu bıçaqlayıb.
İddialara görə, hadisəni törədən şəxs 44 günlük müharibə iştirakçısıdır. Qətlin namus söhbətinə görə törədildiyi deyilir. Belə ki, öldürülən şəxs bibisinin gəlininə sataşıb. Əliəkbər də qəsəbədə onu maşına mindirib aparıb qəbiristanlıq yaxınlığında bıçaqlayıb. O, daha sonra oğlanı xəstəxanaya çatdırsa da, Rüfət Rüstəmov yolda keçinib.
32 yaşlı Rüfət Rüstəmovu qətlə yetirməkdə şübhəli bilinən 24 yaşlı Ələkbər Səmədlinin atası Baku TV-yə danışıb.
Qətlə yetirilən şəxsin atası Valeh Səmədovun sözlərinə görə, onların arasında əvvəllər heç bir münaqişə olmayıb.
"Avtomobilə əyləşdirib başqa yerə aparıb. Deyilənə görə, hadisə namus-qeyrət məsələsi üstündə baş verib. Sakit oğlan idi. Özünü də məhv etdi, Rüfət də həyatından oldu", - deyə o bildirib.
Ətraflı süjetdə:
***
Oktyabrın 27-də Qaradağ rayonunun Qobustan qəsəbəsi ərazisində 1992-ci il təvəllüdlü Rüstəmov Rüfət Ələsgər oğlunun qətlə yetirilməsi barədə polisə məlumat daxil olub.
DİN-in Mətbuat Xidmətindən Bakuplus.az-a bildirilib ki, cinayət əməlini törətməkdə şübhəli bilinən 2000-ci il təvəllüdlü Səmədli Ələkbər Valeh oğlu polis əməkdaşları tərəfindən keçirilən tədbirlərlə saxlanılıb.
Araşdırma aparılır.
