Qonşusuna qarşı külli miqdarda dələduzluqda təqsirləndirilən şəxsin məhkəməsi başlayır. Bu haqda BakuPlus.az Apa-ya istinadən bu gün, 5 noyabr tarixində xəbər verir.
74 yaşlı Bakı şəhər sakini Nisa Xanım Əzimova Nəsimi rayonu, Vəzirov küçəsindəki 3 mənzilinin 30 illik qonşusu Nəriman Cavadov tərəfindən aldadılaraq satılması ilə bağlı hüquq-mühafizə orqanlarına müraciət edib.
Qadın qonşusunun ona qarşı 450 min manatlıq dələduzluq etdiyini qeyd edib.
Nəriman Cavadovun cinayət işi üzrə ibtidai istintaq başa çatıb.
Təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Novruz Kərimovun icraatına verilib.
