Bakıya narkotik gətirmək istəyən şəxs tutulub. Bu haqda bu gün, 9 fevral tarixində Bakuplus.az Daxili İşlər Nazirliyinə (DİN) istinadən xəbər verir.
Hadisə Şirvan şəhərində baş verib. Şirvan Şəhər Polis Şöbəsinin əməkdaşları tərəfindən tutulan Abşeron rayon sakini, əvvəllər də narkotiklərə görə məhkum olunmuş Mövsüm Məmmədovdan 1,500 kq-dan artıq marixuana və 720 qram heroin götürülüb.
Dindirilmə zamanı o, sosial şəbəkədə tanış olduğu iranlı narkotacirə narkokuryerlik etdiyini etiraf edib. Onda aşkarlanan narkotikləri isə bir miqdar narkotik vasitə qarşılığında paytaxta çatdırmalı olduğunu bildirib.
Faktla bağlı cinayət işi başlanıb. Mövsüm Məmmədov barəsində şəhər məhkəməsinin qərarı ilə həbs qətimkan tədbiri seçilib.
[caption id="attachment_129160" align="alignnone" width="640"]
Foto Daxili İşlər Nazirliyi[/caption]
