Bakının Səbail rayonunda yaşayış binasında yanğın hadisəsi baş verib. Bu haqda bu gün, 16 iyul tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma dördmərtəbəli yaşayış binasının 2-ci mərtəbəsində yerləşən 9 otaqlı hoteldə qeydə alınıb. Ümumi sahəsi 365 kv.m hotelin sahəsi 15 kv.m olan texniki otağında aspirator, 2 ədəd çarpayı, 2 pəncərə və qapı qismən yanıb. Həmçinin yüksək temperaturdan elektrik qoruyucusunun plastikdən ibarət üzlüyü qarsalanıb.
Əraziyə FHN-in əməkdaşları cəlb olunublar. Hotelin qalan hissəsi və yaşayış binası yanğından mühafizə olunub. Yanğın söndürülüb. Xəsarət alan olmayıb.
