Bakının Səbail rayonunda cinayətkarlar tutulublar. Bu haqda bu gün, 7 mart tarixində Bakuplus.az Daxili işlər Nazirliyinə (DİN) istinadən xəbər verir.
Rayon Polis İdarəsinin əməkdaşlarının keçirdikləri tədbirlər nəticəsində ümumilikdə 5 nəfər saxlanılıb.
20 yaşlı Kamran Bədirov və 26 yaşlı qohumu Səlim Bədirov ictimai-iaşə obyektlərindən pul və mobil telefonlar oğurlamaqda şübhəli bilinirlər.
Elnur Əhmədov 91 yaşlı kişiyə bankomatdan pul çıxarmağa kömək edən zaman 650 manatını ələ keçirib, əvəzində isə zərərçəkənə saxta əskinaslar verməkdə şübhəli bilinir.
Üzərində odlu silah-sursat saxlayan, əvvəllər məhkum olunmuş Bəxtiyar Cavadov və narkotiklərin dövriyyəsi ilə məşğul olan Taleh Hümbətov saxlanılıblar. Baxış zamanı B.Cavadovdan “Makarov” markalı tapança, 5 ədəd patron, T.Hümbətovdan isə 1 kiloqram 220 qram heroin, 650 qram marixuana, 120 qram tiryək və 503 qram metamfetamin aşkar olunub.
Hər 5 faktla bağlı araşdırmalar davam edir.
