Bakının Səbail rayonu ərazisində narkotik vasitələrin altında avtomobili idarə edən sürücü saxlanılıb. Bu haqda bu gün, 3 oktyabr tarixində Daxili İşlər Nazirliyinin (DİN) mətbuat xidmətinə istinadən Bakuplus.az məlumat verir.
Oktyabrın 1-i gecə saatlarında rayon ərazisində Səbail rayon Dövlət Yol Polisi Şöbəsinin əməkdaşları tərəfindən “Mercedes” markalı avtomobili idarə edən Fərid Məmmədov saxlanılıb. 99-SP-951 dövlət nömrə nişanlı nəqliyyat vasitəsinin 30 yaşlı sürücüsü şübhəli davranışı səbəbindən Səhiyyə Nazirliyinin narkoloji dispanserinə aparılıb.
Məmmədovun narkotik vasitəsinin altında olduğu müəyyən olunub. Onun barəsində inzibati protokol tərtib edilib. Faktla bağlı toplanan materiallar baxılması üçün Səbail rayon məhkəməsinə göndərilib.
