Bakıda xəyanət zəminində qonşusuna xəsarət yetirərək onu öldürən paytaxt sakininə cəza verilib. Bu haqda 17 sentyabr tarixində Milli.az məlumat verib.
Sözügedən hadisəyə görə təqsirləndirilən Əli Niyamovun cinayət işi üzrə məhkəmə prosesi başa çatıb.
Ötən il martın 13-də Səbail rayonunda işdən evə qayıdan Əli Niyamov arvadı Gülnarı yataq otağında qonşusu Habil Nəbiyevlə cinsi əlaqədə olarkən tutub. Onların arasında mübahisə yaranıb. Əli Niyamov Habil Nəbiyevə əl və ayaqla, daha sonra kəsici-deşici alətlə xəsarətlər yetirib.
Niyamov saxlanılıb və ona qarşı Cinayət Məcəlləsinin “Qəsdən sağlamlığa ağır zərər vurma” maddəsi ilə ittiham irəli sürülüb. Məhkəmədə danışan Əli Niyamov ittiham üzrə özünü qismən təqsirli bilib.
İstintaq dövründə zərərçəkmiş Habil Nəbiyev vəfat edib və məhkəmədə onu hüquqi varis kimi anası təmsil edib. Bakı Ağır Cinayətlər Məhkəməsinin hökmü ilə Əli Niyamov 5 il müddətinə azadlıqdan məhrum edilib.
