Paytaxtın Səbail rayonu, Yüzbəy Mürsəlov küçəsinin sakinləri yollardan narazıdırlar. Bu haqda bu gün, 15 sentyabr tarixində Bakuplus.az Oxu.az-a istinadən xəbər verir.
Onların sözlərinə görə, 2 il əvvəl küçəyə kanalizasiya xətti çəkilən zaman asfalt örtüyü sökülüb və bərpa edilməyib.
“Qocalar, uşaqlar çox əziyyət çəkirlər. Asfalt örtüyünün çəkilməsi üçün heç bir qurum müraciətimizə baxmır”, - deyə sakinlər əlavə ediblər.
Məsələ ilə bağlı Avtomobil Yolları Dövlət Agentliyindən (AAYDA) bildirilib ki, ərazidə qazıntı işləri bitəndən sonra yolu bərpa etmək yolu qazan qurumların öhdəliyindədir. Ancaq onlar bunu bacarmırlarsa, AAYDA ilə müqavilə bağlayaraq bunu bizə həvalə edə bilərlər.
