Bakının Səbail rayonunda marketdən oğurluq etməkdə şübhəli bilinən şəxs saxlanılıb. Bu haqda bu gün, 18 aprel tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, marketlərin birindən müxtəlif vaxtlarda 8000 manat dəyərində spirtli içkilər oğurlanıb.
Polis əməkdaşlarının keçirdikləri tədbirlər nəticəsində paytaxt sakini, əvvəllər oğurluq, soyğunçuluq və narkotik cinayətlərinə görə məhkum olunmuş Rasim Abdullayev saxlanılıb.
Faktla bağlı araşdırma aparılır.
