Bakı şəhəri Səbail rayonunun Ə.Yaqubov küçəsində yerləşən sexdə yanğın baş verib. Bu haqda bu gün, 31 iyul tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Hadisə yerinə yanğınsöndürənlər cəlb olunublar, alışma qısa müddətdə aradan qaldırılıb.
Yanğın nəticəsində ümumi sahəsi 600kv.m. olan bir dam altında tikilmiş müxtəlif təyinatlı obyektlərdən sahəsi 90kv.m. olan taxta sexi yanıb. Bitişik obyektlər yanğından mühafizə olunub. Xəsarət alan olmayıb.
