Yenilənib:
Azərbaycan Uşaqlar Birliyinin sığınacağından itkin düşən qız tapılıb. Bu haqda bu gün, 9 fevral tarixində qurumun sədri Kəmalə Ağazadə bildirib. Onun sözlərinə görə, qız sığınacağı gizli tərk edərək öz evinə qayıtmaq istəyib.
"O, öz evinə getmək istəyirdi. Buna görə sığınacaqdan gizli çıxmışdı. Amma artıq tapılıb. Özü geri qayıdıb. Başa düşüb ki, evdə onu gözləyən heç kim yoxdur", - Ağazadə deyib.
10:12 - Sığınacağa yerləşdirən 17 yaşlı qız itkin düşüb
Bakıdakı sığınacağa yerləşdirilən 17 yaşlı Lalə Quliyeva itkin düşüb. Bu haqda bu gün, 9 fevral tarixində Report məlumat verib.
Lalə Quliyeva fevralın 7-də saat 06:50 radələrində sığınacaqdan xəbərsiz çıxıb və bir daha geri qayıtmayıb. Axtarış tədbirləri Binəqədi Rayon Polis İdarəsində aparılır.
Daha öncə məlum olub ki, evdən qaçan 17 yaşlı qız polis əməkdaşları tərəfindən Azərbaycan Uşaqlar Birliyinin sığınacağına yerləşdirilib.
