Ötən gün, 22 iyul tarixində Bakının Suraxanı rayonunda azyaşlı övladını girov götürən və polis əməkdaşları tərəfindən zərərsizləşdirilən "Beton Xosrov" ləqəbli Xosrov Əhmədovla bağlı əlavə məlumatlar bəlli olub. Bu haqda bu gün, 23 iyul tarixində Bakuplus.az Baku TV-yə istinadən məlumat verir.
Qonşuların sözlərinə görə, onun 3 qız uşağı var imiş. Hadisə qızların gözləri qarşısında baş verib. Əhmədov onlardan birinin - 6 yaşlı qızının boğazına bıçaq çəkərək, onu öldürəcəyini bildirib.
Yerli sakinlər, həmçinin ailədə tez-tez münaqişə olduğunu, onun həyat yoldaşını döydüyünü deyiblər.
Ətraflı süjetdə:
09:34 - Sabiq Azərbaycan çempionu övladını girov götürdüyünə görə zərərsizləşdirilib - VİDEO
Ötən gün, 22 iyul tarixində Bakının Suraxanı rayonunda kişi azyaşlı övladını girov götürüb. O, polis əməkdaşları tərəfindən zərərsizləşdirilib. Bu haqda bu gün, 23 iyul tarixində Bakuplus.az Report-a istinadən məlumat verir.
Hadisə Hövsan qəsəbəsində 76 nömrəli məktəbin yaxınlığında yerləşən binada baş verib. Keçmiş məhkum Xosrov Əhmədov öz azyaşlı övladının boğazına bıçaq dirəyərək onu öldürəcəyini bildirib.
Hadisə yerinə polis əməkdaşları cəlb olunublar. Onlar Əhmədovu əməldən yayındırmağa cəhd ediblər. Dəfələrlə polisin qanuni tələblərinə və xəbərdarlıqlarına etinasızlıq edən Əhmədov azyaşlının həyatını xilas etmək üçün zərərsizləşdirilib.
Əhmədovun əvvəllər peşəkar idmançı, ağırlıqqaldırma üzrə Azərbaycan çempionu olduğu deyilir. O, sosial şəbəkələrdə “Beton Xosrov” ləqəbi ilə tanınıb, onun videogörüntüləri mövcuddur.
Daha öncə onun psixoloji problemləri olan əmisinin evini əlindən alaraq kişini küçəyə qovduğu deyilir.
[video width="480" height="360" mp4="https://bakuplus.az/storage/photos/2024/07/video_2024-07-23_09-24-33.mp4"][/video]
