Sabunçu rayonunda oğru saxlanılıb. Bu haqda 21 sentyabr tarixində Bakuplus.az Daxili İşlər Nazirliyinə istinadən xəbər verir.
Müxtəlif vaxtlarda Bakıxanov qəsəbəsi ərazisində bir mağazadan 1400 manat dəyərində avtomobil ehtiyat hissəsi, bir köşkdən 60 manat pul, 523 manat dəyərində tütün məmulatı və enerji içkiləri, bir evin zirzəmisindən isə 2 ədəd velosiped, 2 ədəd skuter, geyim və məişət əşyaları oğurlanıb. Polis əməkdaşlarının keçirdikləri əməliyyat tədbirləri nəticəsində oğurluqlarda şübhəli bilinən Şirvan şəhər sakini, əvvəllər məhkum olunmuş X.Əliyev saxlanılıb.
Faktla bağlı araşdırma aparılır.
