Bakının Sabunçu rayonunda hərbi sursat tapılıb. Bu haqda 8 oktyabr tarixində Fövqəladə Hallar Nazirliyinin mətbuat xidməti məlumat verib.
Hadisə yerinə FHN-in Xüsusi Riskli Xilasetmə Xidmətinin əməkdaşları cəlb olunub. Ərazidə olan mülki vətəndaşlar təxliyə edilib.
Baxış zamanı 1 ədəd döyüş tətbiqinə yararlı F-1 əl qumbarası aşkar olunub. Tapılan silah-sursat ərazidən kənarlaşdırılıb.
Əməliyyat zamanı həmin sahədə başqa hər hansı təhlükəli və ya şübhəli əşya aşkar edilməyib.
[caption id="attachment_73911" align="alignnone" width="640"]
Foto FHN-in rəsmi Youtube kanalı[/caption]
