Bakıda tanışını qətlə yetirən şəxsin məhkəməsi başlayır. Bu haqda 30 mart tarixində Report məlumat verib.
Sabunçu rayonu, Zabrat qəsəbəsində 58 yaşlı Rəhman Əzimov şəxsi münasibətlər zəminində mübahisə zamanı 60 yaşlı Məhəmməd Əliyevin üz nahiyəsinə yumruqla zərbə endirib, zərərçəkən zərbənin təsirindən yerə yıxılıb və başı asfalt örtüyünə dəyib. Yaralı xəstəxanaya yerləşdirilib, lakin həkimlərin səylərinə baxmıyaraq o, orada dünyasını dəyişib.
Faktla bağlı Cinayət Məcəlləsinin “Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb. İş baxılması üçün Bakı Ağır Cinayətlər Məhkəməsinə göndərilib.
