Bakıda anasını və bacısını öldürməkdə ittiham olunan şəxs özünü təqsirli bilib. Bu haqda 21 sentyabr tarixində Report məlumat verib.
Bu gün Bakı Ağır Cinayətlər Məhkəməsində anasını və bacısını qətlə yetirməkdə ittiham olunan Murad Niftizadənin məhkəmə iclası keçirilib və o, özünü təqsirli bilib. Məhkəmənin növbəti iclası sentyabrın 22-nə təyin olunub.
Belə ki, Sabunçu rayonu, Bakıxanov qəsəbəsində 2019-cu il dekabrın 13-də Murad Niftizadə anası Fatma Həmzəyeva və bacısı Elgün Niftizadəni öldürüb. Daha sonra isə Rusiyaya qaçıb. Faktla bağlı Murad Niftizadə Cinayət Məcəlləsinin “İki və ya daha çox şəxsi öldürmə” maddəsi ilə təqsirləndirilib və beynəlxalq axtarışa verilib.
Niftizadə Rusiya ərazisində müəyyən edilib və 2021-ci il oktyabrın 17-də həbs olunub. 2022-ci il martın 10-da isə Azərbaycana gətirilib.
