Bakıda tanışını qətlə yetirməkdə təqsirləndirilən İlham Xanlarovun məhkəməsi başlayır. Bu haqda 8 oktyabr tarixində Report məlumat verib.
Xanlarovun cinayət işi üzrə istintaq yekunlaşıb və baxılması üçün məhkəməyə göndərilib. Məhkəmənin hazırlıq iclasının vaxtı hələ məlum deyil.
Belə ki, Sabunçu rayonu, Zabrat-Məhəmmədi şosesində cari ilin 9 iyununda gecə saatlarında 19 yaşlı Xanlarov şəxsi münasibətlər zəminində həmyaşıdı Sübhan Cəfərovu ürəyindən bıçaqlayıb. Ağır xəsarətlər alan Cəfərov hadisə yerində keçinib.
İlham Xanlarov saxlanılıb və ona qarşı CM-in “Qəsdən adam öldürmə, xuliqanlıq niyyəti ilə adam öldürmə” maddəsi ilə ittiham irəli sürülüb.
