Sosial şəbəkələrdə və mağazalarda soyuq silah satan şəxslər saxlanılıb. Bu haqda bu gün, 25 aprel tarixində Bakuplus.az Daxili İşlər Nazirliyinə (DİN) istinadən xəbər verir.
Kəsici-deşici alətlərin satışı və daşınmasının qarşısını almaq üçün polis əməkdaşları tərəfindən silsilə tədbirlər görülür.
Keçirilən tədbirlər nəticəsində soyuq silahları satanlar - 25 yaşlı Nurəddin Hüseynov, 38 yaşlı Elşən Səfərov, 34 yaşlı Nihat Əliyev, 39 yaşlı Ariz Hacıyev, 44 yaşlı Vahid Rəhimov və əvvəllər xuliqanlıq əməlinə görə məhkum olunmuş 37 yaşlı Anar Hüseynov saxlanılıblar.
Satış üçün nəzərdə tutulan 400-ə yaxın kəsici-deşici alət aşkar olunaraq götürülüb, təbliğatını apardıqları sosial şəbəkə hesabları isə bağlanıb.
Soyuq silahlarla bağlı müvafiq ekspertiza təyin olunub. Saxlanılan şəxslər barəsində araşdırma aparılır.
