Bakının Binəqədi rayonu, Sulutəpə qəsəbəsi, Ruslan Allahverdiyev küçəsində evinin damında köməksiz vəziyyətdə qalan şəxs xilas edilib. Bu haqda bu gün, 19 yanvar tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
77 yaşlı V.Quluzadə yaşadığı birmərtəbəli fərdi evin damına çıxıb, lakin oradan düşə bilməyib.
Hadisə yerinə FHN-in əməkdaşları cəlb olunublar. Kişi xilasedicilər tərəfindən damdan düşürülüb və təcili tibbi yardım briqadasına təhvil verilib.
