Binəqədi rayonu, Sulutəpə qəsəbəsində bıçaqlanma hadisəsi baş verib. Bu haqda bu gün, 30 mart tarixində Bakuplus.az Baş Prokurorluğa istinadən xəbər verir.
Vüsal Mayılov aralarında yaranan mübahisə zamanı tanışı Elcan Beybudova bıçaqla ağır xəsarətlər yetirib.
Nəticədə V.Mayılov təqsirli bilinərək barəsində ev dustaqlığı qətimkan tədbiri seçilib. Daha sonra onun barəsində yenidən ittiham qaldırılıb və həbs olunması tələb olunsa da, həbs qətimkan tədbirinin seçilməsinə dair vəsatət və təqdimat təmin olunmayıb, eləcə də həmin qərardan ibtidai araşdırmaya prosessual rəhbərliyi həyata keçirən prokuror tərəfindən verilmiş apellyasiya protesti təmin olunmayaraq rayon məhkəməsinin qərarı qüvvədə saxlanılıb.
Bundan əlavə, cinayət işinin mürəkkəbliyi nəzərə alınaraq, cari ilin 23 yanvar tarixində iş ibtidai istintaqın davam etdirilməsi üçün Bakı Şəhər Baş Polis İdarəsinin İstintaq və Təhqiqat İdarəsinə həvalə edilib.
