Bakıda 16 yaşlı oğlanlar qətl törədiblər. Bu haqda 12 oktyabr tarixində Report məlumat verib.
Oktyabrın 9-da Suraxanı rayonu, Hövsan qəsəbəsi ərazisində 28 yaşlı Çərkəz Ələskərovun üzərində çoxsaylı xəsarət izləri olan meyiti aşkarlanıb.
Faktla bağlı cinayət işi başlanılıb və əməliyyat axtarış tədbirləri nəticəsində qətli törədən 16 yaşları olan Aleksandr Serebrennikov və Elman Mənsumov saxlanılıblar. Araşdırma zamanı məlum olub ki, yeniyetmələr qabaqcadan əlbir olublar və tamah niyyəti ilə Ələskərovu öldürüblər.
Hazırda cinayət işi üzrə istintaq tədbirləri aparılır.
