Bir neçə gün əvvəl Tərtər rayonunda minaya düşən şəxs Bakı Dövlət Universitetin (BDU) məzunu olub. Bu haqda bu gün, 6 fevral tarixində Bakuplus.az Qafqazinfo-ya istinadən xəbər verir.
23 yaşlı Həsənəli Əlizadə 2022-ci ildə BDU-nun Politologiya ixtisasını fərqlənmə diplomu ilə bitirib. Daha sonra gənc Polşanın Varşava Dövlət Universitetinə təqaüdlə qəbul olub, lakin təhsilini davam etdirməyib.
Hadisə Tərtər rayonunun Qaradağlı kəndində baş verib. H.Əlizadə heyvan otaran zaman minaya düşüb. Onun sol ayağı topuqdan aşağı amputasiya olunub, sağ ayağı isə qəlpə yarası alıb.
