Paytaxtın Binəqədi rayonu, Xırdalan-Binəqədi şosesində yerləşən “TikTok” kafesində kütləvi dava zamanı iki nəfər yaralanıb. Bu haqda bu gün, 9 noyabr tarixində APA məlumat verib.
Kafenin müştəriləri obyekt sahibi ilə hesaba görə mübahisə ediblər. Mübahisə nəticəsində baş verən dava zamanı Cavid Hüseynov və Fərid Məmmədov adlı şəxslər baş nahiyəsindən küt alətlə xəsarətlər alıblar.
Hər iki şəxs xəstəxanaya aparılıb. Faktla bağlı Binəqədi RPİ-nin 6-cı Polis Bölməsinin əməkdaşları araşdırma aparırlar.
