Azərbaycan Universitetinin professoru, hüquq üzrə elmlər doktoru Mayis Əliyevin evinə hücum ediblər. Bu haqda bu gün, 6 fevral tarixində Bakuplus.az Qafqazinfo-ya istinadən xəbər verir.
Bildirilir ki, 55 yaşlı vəkilə müvəkkillərindən birinin qardaşı hücum edib.
31 yaşlı Ceyhun Məmmədov hüquqşünasın yanına gələrək, onunla danışmağı təklif edib. Onlar otağa daxil olan zaman Ceyhun vəkili bıçaqla hədələyərək ondan pul istəməyə başlayıb.
Daha sonra Ceyhun vəkili stulda əyləşdirib, qollarını və ayaqlarını bağlayıb. O, telefon tətbiqi ilə özünə 8000 manat köçürüb. Əlavə olaraq, evdəki dəyərli əşyaları və pulu götürərək qaçıb.
Polis əməkdaşlarının keçirdikləri tədbirlər nəticəsində C.Məmmədov həbs edilib. Toplanmış materiallar baxılması üçün Bakı Ağır Cinayətlər Məhkəməsinə göndərilib.
Mayis Əliyev Vəkillər Kollegiyasının üzvüdür. O, uzun illərdir Azərbaycan Universitetinin professoru, “Sosial Hüquqların Araşdırılması” İctimai Birliyinin sədridir.
