Xəzər rayonunda narkotik vasitələrin satışı ilə məşğul olan 4 nəfər saxlanılıb. Bu haqda BakuPlus.az bu gün, 28 sentyabr tarixində xəbər verir.
Şüvəlan qəsəbəsində narkotik maddələrin satışı ilə məşğul olan qəsəbə sakinləri İntiqam Şeydayev, Araz Rzayev, qardaşı Ceyhun Rzayev və Rəşad Bağırov tutularaq istintaqa təqdim ediliblər.
Həmin şəxslərin üzərinə və yaşadığı evlərə baxış zamanı 4 kiloqrama yaxın heroin aşkar edilib.
Saxlanılanlar narkotik vasitələri sosial şəbəkələrdə tanış olduqları, xarici ölkələrdən birində yaşayan narkotacirlərdən onlayn yolla satmaq məqsədilə əldə etdiklərini bildiriblər.
Faktlarla bağlı istintaq hərəkətləri davam etdirilir.
