İyunun 24-də paytaxtın Xəzər rayonu Şüvəlan qəsəbəsində silahlı insidentdə həlak olan polis əməkdaşları - polis kapitanı Eldəniz Məmmədov, polis serjantı Mahir Ağayev və polis serjantı Mirəli Heydərovla vida mərasimi keçirilir.
10:28 - Şüvəlanda həlak olan polislərin adları açıqlanıb
Bu gün, iyunun 24-də Bakının Xəzər rayonu, Şüvəlan qəsəbəsində sılahlı insident nəticəsində həlak olan polis əməkdaşların adları açıqlanıb:
Polis kapitanı Eldəniz Məmmədov
Polis serjantı Mahir Ağayev
Polis serjantı Mirəli Heydərov.
Polis serjantı Mahir Ağayev nişanlı olub, 10 gün sonra isə toyu olacaqdı.
09:50 - Şüvəlanda atışma: 3 polis, 1 mülki vətəndaş qətlə yetiriliblər
Bu gün, iyunun 24-də Bakının Xəzər rayonu, Şüvəlan qəsəbəsində sılahlı insident baş verib. Bu haqda Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Axtarışda olan 38 yaşlı Rövşən Allahverdiyev polis əməkdaşları tərəfindən saxlanılarkən silahlı müqavimət göstərib.
O, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirib.
Davam etdirilən tədbirlərlə Allahverdiyev polis əməkdaşları tərəfindən zərərsizləşdirilib.
Faktla bağlı cinayət işi başlanıb, istintaq hərəkətləri davam etdirilir.
