Mağazadan oğurluqda şübhəli bilinən şəxs saxlanılıb. Bakuplus.az Daxili İşlər Nazirliyinə (DİN) istinadən xəbər verir ki, hadisə Bakının Nəsimi rayonu, Azadlıq prospektində yerləşən ticarət mərkəzlərinin birində qeydə alınıb.
Belə ki, mağazanın içərisindən 100 manat, bank kartı və sənədlər olan çantanın oğurlanması barədə polisə məlumat daxil olub. Nəsimi Rayon Polis İdarsənin 22-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər də məhkum olunmuş S.Balayeva müəyyən olunaraq saxlanılıb.
Faktla bağlı araşdırma aparılır.
