Bakının Binəqədi rayonu, Binəqədi ŞTQ, Əcəmi Naxçıvani, ev 103, giriş 3 ünvanında fəaliyyət göstərən “Wolt Market”də plandankənar yoxlama zamanı nöqsanlar aşkar olunub. Bu haqda bu gün, 18 iyul tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən məlumat verir.
Marketin vitrinlərindən yararlılıq müddəti bitmiş “Ülkər” şokolad yağı və “Final” qarğıdalı yağı götürülüb. Həmçinin xardalın düzgün temperaturda saxlanmaması, bir çox dondurma məhsullarının etiket məlumatlarının Azərbaycan dilinə tərcümə edilmədiyi və bir sıra digər pozuntular qeydə alınıb.
Faktla bağlı protokol tərtib edilib. Nöqsanların aradan qaldırılması ilə bağlı icrası məcburi göstərişlər verilib və müvafiq tədbirlərin görülməsi üçün müddət təyin edilib.
