Bakıda gənc qızı avtomobil vuraraq digər avtomobilin üzərinə atıb. Bu haqda 24 noyabr tarixində Report xəbər verib.
Xətai rayonu, 8 Noyabr prospektində yolu keçən zaman 20 yaşlı Sevda İsmayılovanı avtomobil vurub. Piyada zərbənin təsirindən digər avtomobilin üzərinə düşərək ağır bədən xəsarətləri alıb.
Yaralı bədənin müştərək, qapalı kəllə-beyin, baş beyinin ağır dərəcəli əzikləri travmaları, sol qasıq sümüklərinin yerdəyişən və sağ omba sümüyünün sınığı diaqnozu ilə 3 saylı Şəhər Klinik Xəstəxanasının reanimasiya şöbəsinə yerləşdirilib.
Faktla bağlı araşdırma davam edir.
