18 noyabr gecə saatlarında paytaxtın Xətai rayonunda Fövqəladə Hallar Nazirliyinin əməkdaşları intihara cəhdin qarşısını alıblar. Bu haqda FHN-nin mətbuat xidməti məlumat yayıb.
Rayon ərazisində naməlum şəxs tikilməkdə olan binanın 6-cı mərtəbəsinə çıxaraq intihara cəhd edib. Hadisə yerinə FHN-nin Xüsusi Riskli Xilasetmə Xidmətinin müvafiq xilasetmə qüvvələri cəlb olunaraq, vətəndaşla psixoloji söbətlər apardıqdan sonra, o, özünə qəsd etmək fikrindən daşınıb.
Oxşar hadisə 28 oktyabr tarixində həmin rayonda baş vermişdir. Naməlum şəxs tikilməkdə olan binanın 10-cu mərtəbəsinə çıxaraq intihara cəhd etmişdir.
