Bakıda bir neçə avtomobilə ziyan vurmaqda şübhəli bilinən sürücü yaxalanıb. Bu haqda 4 dekabr tarixində Milli.az xəbər verib.
Dekabrın 1-i gecə saat 9 radələrində Xətai rayonunda Bakı şəhər sakini, əvvəllər məhkum olunmuş Əli Xanmirzəyev idarə etdiyi ''VAZ-2107'' markalı avtomobillə iki minik maşınını vurub. Hadisə yerindən qaçmaq cəhd edən sürücü polis tərəfindən saxlanılıb və onun üzərində heroin aşkar olunub. Məlum olub ki, qəza törədən zaman o, narkotik vasitənin təsiri altında olub.
Həmçinin istintaq zamanı Əli Xanmirzəyevin digər əməli üzə çıxıb. O, noyabrın 28-də Xətai rayonunda evlərin birindən 1500 manat dəyərində qızıl-zinət əşyaları oğurlayıb.
