Bakıda iki nəfərin ölümünə səbəb olan 20 yaşlı sürücünün ibtidai istintaqı başa çatıb. Bu haqda 7 dekabr tarixində APA xəbər verib.
Xətai rayonu, Babək prospektində Bakı şəhər sakini, 20 yaşlı Elşən Məmmədov idarə etdiyi “Audi” markalı avtomobili ilə hərəkət edən zaman “VAZ 21015” markalı avtomobilə çırpılıb. Güclü zərbə nəticəsində “VAZ” markalı avtomobilin sürücüsü Sabirabad rayon sakini Baba Kaxidze və avtomobildə olan sərnişin Həmid İsmayılov ölüb.
Təqsirləndirilən şəxs barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.
