Xətai rayonunda yanğın hadisəsi baş verib. Bu haqda bu gün, 27 iyul tarixində Bakuplus.az Baku TV-yə istinadən xəbər verir.
Hadisə rayonun Səməd bəy Mehmandarov küçəsi, 2 ünvanında yerləşən restoranda qeydə alınıb. Nəticədə iaşə obyekti və yaxınlıqda dayanan avtomobil yanıb. Xəsarət alan olmayıb.
Restoranın sahibi Qismət Abdulovun sözlərinə görə, yanğının hansı səbəbdən baş verməsi hələ ki bəlli deyil.
FHN-dən verilən məlumata görə, ümumi sahəsi 131 kv.m olan kafen 20 kv.m sahədə, yaxınlıqda dayanan "Subaru" markalı minik avtomobilinin mühərrik hissəsi və salonu yanıb. Yüksək temperaturdan kafenin mətbəxində lambirdən ibarət tavan 21 kv.m sahədə əriyib.
Faktla bağlı araşdırma aparılır.
