Bakının Xəzər rayonunda anasını yandıran 15 yaşlı uşağa qarşı cinayət işi başlanıb. Bu haqda 15 oktyabr tarixində Oxu.Az xəbər verib.
15 yaşlı M.Nəsirov atasının istəyi ilə anası 35 yaşlı G.Nəsirovanın üzərinə qaynar su töküb, nəticədə o yanıq xəsarətlər alıb. Nəsirovun atası hüquq-mühafizə orqanlarına onun arvadı guya suqızdırıcının partlaması nəticəsində xəsarət aldığını deyib. Amma polisin apardığı araşdırmadan sonra məlum olub ki, anasını yandırmağa uşağın atası məcbur edib.
Ata və oğul saxlanılıb və faktla bağlı cinayət işi açılıb. Günahları sübut edilsə, onları üç ildən səkkiz ilədək həbs cəzası gözləyir.
