Bakının Binəqədi rayonunun Xocəsən qəsəbəsində yanğın baş verib. Bu haqda bu gün, 23 avqust tarixində Bakuplus.az Fövqəladə Hallar Nazirliyinin (FHN) Mətbuat Xidmətinə istinadən məlumat verir.
Ümumi sahəsi 1000 kv.m olan satış məntəqəsinin - taxta, karton və plastik yeşiklərin satışı mağazasının 300 kv.m-i yanıb. Hadisə yerinə FHN-in əməkdaşları cəlb olunublar.
Obyektin qalan hissəsi, yaxınlıqda yerləşən fərdi yaşayış evləri və təkər satışı məntəqəsi yanğından mühafizə olunub. Hadisə zamanı xəsarət alan olmayıb.
