Bakı sakini ondan polisə şikayət edən ata və anasını bıçaqlayıb. Bu haqda 21 fevral tarixində Report məlumat verib.
Yasamal rayonu, T.Şahbazi küçəsi, ev 78 ünvanında 2021-ci ilin avqustun 30-da paytaxt sakini, 38 yaşlı Fəqan Mustafayev valideynləri ilə münaqişə edib və nəticədə onun atası polisə şikayət edib. Bunu bilən Mustafayev valideynlərinə irad bildirib, lakin atası onun evdən çıxmasını təkid edib. Bu zaman onların arasında mübahisə düşüb və o, əvvəl atasını, sonra anasını bıçaqlayıb. Yaralılar xəstəxanaya çatdırılıb, onların həyatlarını xilas etmək mümkün olub.
Mustafayev saxlanılıb və Bakı Ağır Cinayətlər Məhkəməsində o, 1 il 6 ay müddətinə azadlıqdan məhrum edilib.
