Bakının Yasamal rayonunda ödəmə terminalını talayan şəxs saxlanılıb. Bu haqda bu gün, 19 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Rayon ərazisində gecə saatlarında naməlum şəxs üzünü qara maska ilə kamuflyaj edərək mağazaların birinin qapısını dəmir metalla qırıb və içəridə yerləşən ödəmə terminalını talayaraq pul vəsaitini ələ keçirib.
Polis əməkdaşları tərəfindən keçirilən tədbirlər nəticəsində əməli törədən əvvəllər oğurluq cinayətlərinə görə məhkum olunmuş 28 yaşlı Turxan Mustafayev saxlanılıb. Onun cinayət əməli ətrafda olan təhlükəsizlik kameraları vasitəsilə də lentə alınıb.
