Yasamal rayonunda xəsarətlə nəticələnən yol-nəqliyyat hadisəsi qeydə alınıb. Bu haqda BakuPlus.az Apa-ya istinadən bu gün, 21 oktyabr tarixində xəbər verir.
Paytaxtın Əbdülvahab Salamzadə küçəsində “Volkswagen” markalı nəqliyyat vasitəsini idarə edən sürücü nəqliyyat vasitəsi ilə Ziya Bünyadov prospektinə keçmək istəyərkən avtomobili yüksək sürətlə yolayıran betonun üzərindəki ağaclara çarpıb.
Maşın beton yolayırana dəydikdən sonra dayanıb. Avtomobil deformasiyaya uğrayıb.
Zərbənin təsirindən avtomobildə olan qadın sərnişin xəsarət alıb.
Hadisə nəticəsində Əbdülvahab Salamzadə və Ziya Bünyadov prospektindən Qələbə dairəsi istiqamətinə olan yollarda tıxac yaranıb.
Əraziyə Yol Polisi Şöbəsinin əməkdaşları cəlb ediliblər.
[caption id="attachment_75719" align="alignnone" width="640"]
Foto apa.az saytı[/caption]
