Bakının Suraxanı rayonu, Zığ qəsəbəsində bıçaqlanma hadisəsi qeydə alınıb. Bu haqda bu gün, 18 dekabr tarixində Bakuplus.az APA-ya istinadən məlumat verir.
22 yaşlı Samir Böyükxanlı idarə etdiyi avtomobili ilə sərnişini apararkən onlar arasında mübahisə yaranıb. Adı və soyadı məlum olmayan 17 yaşlı müştəri sürücünü bıçaqlayıb.
Xəsarət alan şəxs yoldan keçən digər sürücülərin köməkliyi ilə xəstəxanaya aparılıb. Faktla bağlı Suraxanı Rayon Polis İdarəsində araşdırma aparılır.
