Sabunçu rayonunun Zabrat qəsəbəsi ərazisindən avtomobili qaçırmaqda şübhəli bilinən şəxs saxlanılıb. Bu haqda bu gün, 19 sentyabr tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Sentyabrın 14-ü Zabrat qəsəbəsi ərazisindən qəsəbə sakini E.Əhmədova məxsus “VAZ-2106” markalı avtomobil oğurlanıb. Bu barədə məlumat Sabunçu RPİ-nin 15-ci Polis Bölməsinə daxil olub.
Polis əməkdaşlarının həyata keçirdikləri əməliyyat-axtarış tədbirləri nəticəsində avtomobili oğurlamaqda şübhəli bilinən Sabirabad rayon sakini, əvvəllər məhkum olunmuş F.Quliyev müəyyən olunaraq saxlanılıb. Faktla bağlı araşdırma aparılır.
