Bakının Nərimanov rayonu, Ziya Bünyadov prospektində iki nəfər “Opel” markalı avtomobilə hücum edib. Bu haqda bu gün, 19 iyun tarixində Bakuplus.az APA-ya istinadən məlumat verir.
Taksi avtomobilinin sürücüsü Rəşad Quliyevin sözlərinə görə, o, qadın müştərini apararkən xanımın halı qəfil pisləşib. Sürücü avtomobili dayanacaqda saxlayarkən qadın çölə çıxıb. Bu zaman dayanacaqda olan iki nəfər cinsi azlıq nümayəndəsi qadına qarşı qeyri-etik sözlər işlədib. Sürücü qadını avtomobilinə mindirmək istəyərkən hücuma məruz qalıb, avtomobil daşlanıb.
Avtomobilə ciddi maddi ziyan dəyib. Sürücü polisə müraciət edib. Araşdırma aparılır.
