Azərbaycanda oktyabrın 29-31-də ilk dəfə Musiqi forumu keçiriləcək. Bu haqda bu gün, 4 oktyabr tarixində Bakuplus.az Report-a istinadən xəbər verir.
Açılış mərasimi oktyabrın 29-da Gülüstan Sarayında keçiriləcək. Forumda tanınmış musiqişünas alimlər, bəstəkar, dirijor və ifaçılar iştirak edəcəklər.
Tədbirə qatılan mütəxəssislərin forum çərçivəsindəki fikir və təklifləri ümumiləşdirilərək “Azərbaycan mədəniyyəti - 2040” Konsepsiyasına daxil olacaq.
Forumda musiqi yaradıcılığı, musiqidə ənənə və onun ötürülməsi, musiqinin istehlakı və təbliği, bu sahənin tədqiqi, xoreoqrafiya və s. mövzular üzrə panellər təşkil olunacaq.
