Bakıda Heydər Əliyevin 100 illik yubileyinə həsr olunmuş konsert keçiriləcək. Bu haqda bu gün, 11 aprel tarixində Report məlumat verib.
Konsert aprelin 17-də saat 19:00-da Bakıdakı Rus Evində keçiriləcək. Tədbirə giriş sərbəstdir.
Konsertdə Müdafiə Nazirliyinin Əlahiddə Nümunəvi Orkestrinin solisti Günay Qasımova, beynəlxalq festivalların laureatı Kənan Qədimov, Qara Qarayev adına Azərbaycan Dövlət Kamera Orkestrinin solisti Leyla Kərimova, Üzeyir Hacıbəyli adına Bakı Musiqi Akademiyasının baş müəllimi, sənətşünaslıq üzrə fəlsəfə doktoru Alyona İnyakina, Bakı Musiqi Akademiyasının konsertmeysteri Dilarə Kərimova, şair, Azərbaycan və Rusiya Yazıçılar birliklərinin üzvü Sahib Məmmədov və başqaları iştirak edəcəklər.
